Khushiyan

naizi apne walden ki akolti beti thi uske 3 bhai aur bhi thay lekin koi
behan nahin thi yehi wajah thi k wo sab ki ladli thi wo 5th class mein
parhti thi uska asal nam nazneen tha magar ghar wle usse piyar
se nazi keh kar bulate thay ye baat un dino ki hai jab har taraf eid
ki tayyariyan zor shor se chal rahi thin nazi ny bhi apni lag bhag
sari tayyari kar li thi 2 faraken usny apni pasand se lin thin aur
sab bhai bhi us kay liye eid kay nae kapre lae thay aur baqi ka
saman bhi usny abu kay sath ja kar liya tha jese clips chooriyan
makeup ka saman aur har sute k sath kay purse aur jute abhi eid
mein 4 din baqi thay kay aik din nazi apni chath py khari thi kay
uski nazar chokidaron ki jhonpriyon py pari jo uske ghar kay samne
wale road kay us par thin wo kisi gehri soch mein ghum un bachon
ko dekh rahi thi jo un jhonpriyon mein rehte thy kay achanak
uskay kandhe par kisi ny haath rakha jo uski ami thin

ami: kiya hua beta aap kiya soch rahi ho?
nazi: ami wo deken un bachon ny kese phate hue kapre pehne
hain aur lagta hai jese wo kafi dino se nahaye bhi nahin hain...
ami: beta wo ghareeb bache hain wo log esy hi rehte hain.
nazi: ami... wo log esy kiyun rehte hain?
ami: beta un kay pas nae kapre khareedne kay paisy nahin hote
nazi: to kiya ami wo log eid par bhi esy hi rehte hain?
ami: han beta....
nazi: ami.. mere pichly eid k purane kapre kahan hain?
ami: kiyun beta aap un ka kiya kro gi aap k papa or bhai aap k
liye kitne achy achy nae kapre lae hain.
nazi: han ami wo log sach mein har saal ki tarah is saal bhi
boht achy kapre lae hain.... par main soch rahi thi kiyun na apne
purane kapre eid py un bachon ko de dun to wo bhi boht khush
ho jaengy na....

ammi ny jo nazi ki ye baat suni to jaldi se nazi ko gale laga liya
aur us ki aankhon se khushi k aansu nikal aye
nazi ny jo dekha k ammi ro rahi hain to wo dar gai k shayd usny
kuch galat keh diya
nazi: kiya hua ami? aap ro kiyun rahi hain? mainy kuch galat kaha
kiya?
ami: nahi meri bachi main ro nahi rahi ye to kushi k aansoo hain
k tum ny kitni bari aur piyari bat kahi hai wo bhi itni si umer mein
shaam ko jab nazi k abbu aur bhai wagaira ghar aaye to nazi ki
ammi ny sab ko nazi ki bat batai sab bohat khush hue aur nazi
ko khoob piyar kiya abbu ny bhi shabashi di k itni choti umer
mein nazi ny itni bari bat sochi aur issi khushi mein abbu ny raat
ko sab ghar walo ko ice cream khilai 5 din badh eid thi eid ki
namaz bad sab ny na sirf apne purane kapre balke kuch khilone
aur boht si mitthaiyan bhi jhonpri mein reny wale bachon mein
batin jis se wo log bohat khush hue aur nazi aur us k ghar walon
ko bhi bohat khushi hui

The End
      khushiyan