Umro ayar in dino apne dost sultan shaami se milny us k mulk shaam ja raha tha abi wo ik wiran sehra mein tha jo sara din ki dhoop se tapa hua tha ab raat hony ko thi aur jese jese raat ho rahi thi chand ki thandi chandni mein sehra ki tapish b kam hoti ja rahi thi umro ayar sara din safer kr kr k thak sa gaya tha usse bhook bhi bohat zor ki lag rahi thi chuna chy usny pehly to apni sulemani zambil se ik khaima nikal k nisb kia phir ik parindy ka bhoona hua ghosht nikal k khaya aur phir khuda ka shuker ada kr k shab basri k liye khaime mein lait gaya
abi umro ki aankh lage ziada der nahi hui thi k use kuch ajeeb si aahat sunai di umro ny utt k charon taraf dekha magar khaime mein sab sahi tha aur wo awaz bhi ab aana band ho gai thi umro usse apna weham samajh k phir sony lait gaya magar kuch lamhon bad usse phir se wohi aahat mehsoos hui is bar umro utt kr khaime se bahir a gaya bahir ussi tarah sanata dikhai de raha tha ab wo aahat aur qareeb a gayi thi aur esa maloom hota tha jese wo ghore ki tapon aahat ho aur koi ghore sawaar is taraf a raha ho magar ghore sawaar tha kahan
dheere dheere jab wo aahat itna qareeb a gayi k us ki taraf ka andaza lagaya ja sake to umro ko ye mehsoos hua k wo awaz uper asman se a rahi thi umro ny nazar utta k uper dekha to usse saman mein ik safed ghora nazar aaya jis ki pusht py ik haseen o jameel no'jawan larki behti thi us larki ny safed rang ka nihayat hi qeemti libas pehna hua tha jis mein ja baja rang barangi sitare chamak rahe thy us k sar py ik chota sa taj bhi tha jis mein chote chote rang barange hire jare hue thy jo chand ki roshni mein jagmaga rahe thy zameen k qareeb a k wo larki ghore se utar gayi aur ghora gayab ho gaya larki umro ki taraf aayi aur adab se umro ko salam kiya
walekum salam par tum kon ho aur is veeran registan mein kiya kr rahi ho (umro ny salam ka jawab de kr pucha)
mera naam jag mag pari hai aur mein tilesum nagri mein rehti hun main yahan aap ko hi lene aaye hun umro ayar. ( jagmag pari ny adab se jawab diya)
mujhe lene kiun bhayi (umro ny chonkte hue pucha)
mujhe mere malik showsha jadooger ny aap ko lene k liye behja hai aur sath mein ye pehgam bhi behja hai (jagmag pari ny ik lifafa umro ayar ki janib barhate hue kaha)
Umro ny wo khat parha likha tha.
piyare urmo ayar main janta hun tum jab ye khat parho gy to humari madad k liye zaroor a jao gy dar asal yahan tilesum nagri mein pichly kuch dino se koh e kaf k kuch jino ny tabai macha rakhi hai hum jadoogeron ka koi bhi jadoo ya hatiyar in py asar nahi karta balky hum jadoo k zor se jitne jin marte hain ye utne hi aur paida ho jate hain ye log pichly 10 dino mein tilesum nagri k taqreeban 30 bachy utta kr le ja chuke hain jin mein mera beta moma jadooger aur mere wazeer ka beta sona jadoogar bhi shamil hain jo k yahan k kanon k mutabik abi jadoo krna nahi jante inhen in ki jadooi takaten 19 sal ki umer mein milen gi
khudara jaldi humari madad ko aao umro mein tumhara ehsan mand rahonga
faqat ik faradi
showsha jadooger
dekho dagmag pari main tumhare sath zaroor chalun ga tumhari madad bhi zaroor krun ga kiun k mujhe zulum krne walon se sakht nafrat hai phir wo chahy koi jadoogar ho ya koi jin ya koi aur makhlooq par meri ik bat hamesha yaad rakhna k sab ka khalikh aur malik sirf allah hai aur koi kisi ka malik nahi (umro ny khat parh k jagmag pari se kaha)
shukria umro par mera nam jagmag pari Hai dagmag pari nahi (jagmag pari ny muskura kr kaha)
acha maf krna bakbak pari (umro ny sir khujate hue kaha)
bakbak pari nahi jagmag pari jagmag pari (jagmag pari ny apna nam yad dilate hue kaha)
dar asal umro jan bujh kr uska naam galat le raha tha umro dekhna chahta tha k wo gussa krti hai ya nahi kiun k wo janta tha k tilesum nagari k jadoogar naik aur reham dil hote hain agar jagmag pari waqai tilesum nagari se aayi hai to wo itni choti si bat ka bura nahi manay gi aur agar ye umro k dushano ki koi chal hai to wo zaroor gussa kre gi kiun k buri pariyan zara si bat bardasht nahi krtin aur foran samne wale py humla krti hain agar jagmag pari esa kuch krti to phir umro k hathon se usse sirf allah hi bacha sakta tha khair jab umro ny mukammal itmenaan kr liya k ye koi buri pari nahi to wo jagmag pari k sath chalne ko razi ho gaya aur apna khaima utta k apni zambeel mein dal liya jagmag pari ny foran hawa mein hath ghuma k ik nihayat hi umda jadooi takhat banaya kiun k wo janti thi k umro urr nahi sakta wo dono jadooi takhat py beht gaye phir jagmag pari ny jadooi takhat ko
tilesum nagari mein showsha jadooger k mehal chalny ka hukum diya aur takhat ik tarf urrny laga showsha jadooger 15 saal pehly tak tilesum hosharba ka ik azeem taqatwar aur dolat mand jadooger tha wo ik nihayat reham dil jadooger tha yehi wajah thi k tilesum hosharba k badshah afrasiyaab ny usse tilesum hosharba se nikal diya tha aur usny tilesum hosharba se nikalny k bad shaam k qareeb ye tilesum nagri banai thi yahan ki har cheez tilesmi thi ghar, pahar, darakht, dariya, sab kuch showsha jadooger ka hi banaya hua tha sirf yahan k jadoogaron ko chor k sab kuch
isi liye to is jagah ka nam tilesum nagri tha kiun k yahan har cheez tilesmi jo thi magar sochny wali bat ye thi k showsha jadooger khud ik azeem jadooger tha wo kai jin o parion ko qabu kiye hue tha phir ye kon jin thy jo showsha jadooger k bas mein nahi a rahe thy kahin ye jin koi jadooi makhlooq to nahi jinhen afrasiyaab jadooger ya kisi aur bure jadooger ny behja ho abi umro ye soch hi raha tha k jadooi takhat ik nihayat khubsoorat mehal k samne zameen par utra mehal bohat bara aur shandar tha aur us k darwaze py do hatte katte deu hekal jin haaton mein bijli ki bani hui talwaren liye paihra de rahe thy jagmag pari takhat se utri sath hi umro bhi takhat se utar aaya aur takhat gayab ho gaya jagmag pari ny ik jin se kaha
Jangu jin jao aur showsha jadooger ko khabar do k jagmag pari aur umro ayar us se milne aaye hain (jagmag pari ny darban jin se kaha)
Jangu jin bina kuch bole adab se sir jhooka k ander chala
gaya chand lamhon bad wo wapis namudaar hua aur bola
badshah showsha jadooger ny aap dono ko ander bulaya hai (jangu jin ny adab se darwaza kholte hue kaha umro aur jagmag pari us darwaze se ander dakhil ho gaye to jin ny darwaza phir se band kr diya ye mehal ander se bhi utna hi shandaar tha jitna bahir se dikhta tha
darwaze k ander ik bara sa sehan tha jis mein har taraf ghans lagi hui thi aur darmiyan mein nihayat hi umda aur nafees kaleen bicha hua tha jo seedha ander k darwaze ki tarf ja raha tha umro aur jagmag pari usi kaleen py chalte hue androni darwaze mein dakhil ho gaye ye ik bara sa haal kamra tha jis mein bohat hi shandaar sajawat hui wi thi dar o deewar se halki halki roshni ko kirne photti mehsoos ho rahi thi sath hi kamre ki androoni khirkiyon py rashmi kapre k jhilmilate hue parde latak rahe thy kamre k wast mein bhi ik kaleen bhicha hua tha aur ye kaleen bahir wale kaleen se bhi khubsoorat aur namram o gaddar tha kaleen k dusri taraf do seeria char k ik takhat rakha hua tha jo sony ki tarah chamak raha tha aur us py phoolon ki chadar bichi hui thi jis ki khushbow se pura kamra muttar ho raha tha us kamre mein ik burha jadoogar tehal raha tha jo yaqinan showsha jadoogar hi tha us ny umro ko dekhte hi door k umro k haat choom liye.
zaih e naseeb k umro ayar humari madad ko raazi ho gaya (showsha jadoogar ny khush hote hue kaha)
us kamre mein showsha jadoogar umro ayar aur jagmag pari k elawa do kanizen bhi mojood thin
jo showsha jadoogar k takhat k dain bain haton mein mor k paron se bana phankha liye khari thin aur ik tarf ik kursi py koh e kaaf k mashoor jadoogar bhisham dada behte hue thy umro foran samjh gaya showsha jadoogar ko umro se madad lene ka mashwara bhisham dada my hi diya hoga
wo tho teekh hai showsha jadoogar par main tumhari madad tab hi kar paon ga jab tum mujhe saari bat khul kr batao gy k aakhir yahan ka masla kia hai aur kab se ye silsila chal raha hai (umro ny showsha jadoogar k kandhy py haath rakhte hue kaha)
baat dar asal ye hai k pichlly 10 dino se tilesum nagari ki mashriqi sarhad k qareeb kuch ajeeb jinnaton ny daira dala hua hai unhon ny tilesum nagari k logon ka jeena haram kar rakha hai wo rozz tilesum nagari k bachon ko utta k le jate hain aur phir us bache ka kisi ko kuch pata nahi chalta pichlly 10 dino mein wo ?0 se za'id bachon ko agwa kar chuke hain (showsha jadoogar ny tafsil se batate hue kaha)
wo sab bachon ko agwa krte hain kisi khaas umar k bachon ko? (Umro ny kuch sochte hue pucha)
nahi sab ko nahi wo sirf 8 se 10 saala bahon ko hi le gaye hain aur wo bhi sirf larko ko larkiyan sab mehfooz hain (showsha jadoogar ny tawajjah se jawab dete hue jawab diya)
hmm mujhe us jaga le chalo jahan se bachy gayab hue thy (umro ny kuch sochte hue kaha)
bachy kisi ik jagah se gayab nahi hue umro kuch bachy khel k medan mein khelte khelte gayab ho gaye to kuch maderse se aur to aur kuch bachy to un k apne gharon se gayab ho gaye
aur mera beta moma jadoogar to mere bhare darbar mein meri hi aankhon k samne se gayab ho gaya aur... aur main kuch na kr saka (showsha jadoogar ny ronhase lehje mein apni bat batai)
teekh hai abj mujhe ik khali kamra de do main inshaallah kal subah hi apni is mohim py nikal jana chahta hun aur agar allah ny chaha to tumam bachon ko ba'khairyat un ki qaid se rihai dilaon ga (umro ny joshily lehje mein kaha)
M
magar umro bete ye b to ho sakta hai k wo jin aadam khor hon aur un bachon ko ab tak un bachon ko kha chuke hon (bhisham dada ny apna shuba zahir kiya)
mujhe nahi lagta k unhon ny in bachon ko sirf khane k liye agwah kiya hoga kiun k agar un ko apni bhook hi mitani thi to kisi bhi bache ya jawan jadoogar ko le jate sirf 8 se 10 saal k bachon ko hi kiun chuna aur wo bhi sirf larkon ko (umro ny bhi apna khayal zahir kiya) aur umro ki bat qabil e ghor thi itny mein ik darban jin ander dakhil hua
aali jah mor jadoogar aap se milne aye hain (darban jin ny adab se showsha jadoogar ko salam kr k kaha)
mor jadoogar... raat k is pehar (showsha jadoogar nychonkte hue kaha)
unhen ander le aao showsha jadoogar ny darban ko hukum diya aur wo wapis chala gaya thori der bad wo dobara ander aaya to us k sath ik nihayat hi bhoora shakhs tha jis k sir k dhari k monchon k sare baal safaid ho chuke thy yahan tak k bhawen aur palken bhi safaid ho rahi thin aur wo chehry se kafi pareshan bhi dikha raha tha
kiya hua mor jadooger tum raat k is waqat kese aay sab teekh to hai (showsha jadooger ny us bhoore se mukhatib ho k puncha)
Kiya bataon aali jah main to kisi ko mun dikhany k qabil na raha kal mera batija rangin jadooger achanak hi paristan se mujhse milne aur tilesum nagri ki sair karne yahan aa poncha mainy usse samjhaya k abhi yahan se chale jao magar wo nahi gaya aur abi kuch der pehlu wo bhi gayab ho gaya (mor jadooger ny lagbhag rote rote fariyad sunai)
ary ye to bohat bura hua pehly hi humare tilesum nagari k bachy gayab ho rahe thy ab to humare mehman bhi gayab hone lagy is se to tilesum nagari ki izzat khaak mein mil jae gi (showsha jadoogar ny pareshan hote hue kaha)
janab main nahi janta tha wo aane wala hai agar mujhe zara b us k aane ki khabar hoti to main usse yahan aane hi na deta khas kar in dino mein jab hum sab Jadoogar bebas o lachar ho gaye hain ( mor jadoogar ny qadar e sharmindagi se kaha)
janab e buzurg aap fiker na kren aap ka bateeja jahan b ho ga inshallah jald hi main us ko aap k paas le aaon ga (umro ny mor jadoogar ko tassalli di)
ye kon hy shehansha (mor jadoogar ny herat se umro ko dekhte hue showsha jadoogar se pucha)
ma'badolat ko umro ayar + ayar e zaman + baraq na'gahan + shola atishfihan kehte hain (showsha jadoogar k kuch bolne se pehly umro ny apna ta'aruf khud krwaya)
to tum hi ho wo jis ny afrasiyab jadoogar jese ki naak mein dum kr rakha hai (mor jadoogar ny hairat o khushi k mile jhoole tasuraat mein kaha)
ji bilkul sahi pechana main wohi na cheez hun (umro ny fakar se seena chora krte hue bola)
mu'af krna tumhara naam to suna tha par dekha nahi tha is liye pechan nahi paya (mor jadoogar ny umro ka kande py hath rakhte hue kaha)
koi bat nahi mor chacha main aap ko kai bar mil chuka hun tilesum hosharbah mein (umro ny muskurate hue bataya)
acha par main to tum ko aaj pehli bar dekh raha hun (umro ki bat sun k mor jadooger herat se bola)
mor jadooger ye umro ayar hai ye tum se tilesum hosharba mein mila hai to yaqeenan is ny bhes badal rakha hoga aur jab ye bhes badalta hai na to khud is ka baap b isse nahi pehchan sakta kiun umro beta (bhisham dada ny mor jadooger ko herat main dekh k andaza lagaya) bilkul teekh samjhe aap bhisham dada (umro ny bhi bhisham dada ki han mein han milate hue kaha)
phir thori der aur un logo se baten krne aur mor jadooger ko apni aur uski kuch mulakaaton ka batane k badh umro showsha jadooger se mukhaatib hua han to showsha jadooger mera khayal hai k ab mujhe apna kaam shuru kr dena chahye aur usse pehly mujhe ik khali kamra chahye jahan mere aur mere rab k ilawa aur koi na ho (umro ny nihayat sanjeedgi se kaha) bilkul bilkul tumhari har khuwa'ish puri ki jae gi (showsha jadooger ny ik ba tehzib mezban ki tarah kaha )
aur jagmag pari se bola jagmag pari jao umro ko hamare shahi mehman khane tak poncha aao .
Jagmag pari khamoshi utti aur umro ko apne sath aane ka ishara kr k chup chap darbar se bahir nikal gayi aur zahir hai umro ayar bhi us k peechy peechy chal para darbar se nikal kr wo log ik wasih o areez bramde se hote hue wo log ik kamre tak poncha ye kamra bhi kafi bara tha aur saja hua bhi bohat umda tha zameen par nihayat qeemti naram o mulayam kaleen bicha hua tha aur kamre ki chat py nihayat qeemti motion se bana hua ik khubsoorat sa naqash tha jo k pure kamre ko jagmamga raha tha kamre ki andoroni khirkion pay nihayat khubsoorat reshmi parde lagy hue thy jin rangbarngi sitare tanke hue thy jo by had chamak rahe thy kamre mein ik bara sa takhat rakha hua tha jis py phoolon ki chader bichi hui thi jin mein se umda kisam ki khushbow a rahi thi takhat se kuch fasle py ik lakri ki bani hui mez rakhi thi jis pay khubsoorat khubsoorat phool rakhy thy aur sath mein khajoor k patton se bani hui khursiyan bhi rakhi thin jagmag pari bahir se hi lot gayi thi
umro ayar seedha ja k takhat py beht gaya aur apni sulemani zambeel se sunheri nikali
sunri churia jago meri madad kro mere sawalon ka jawab do (umro ny sunheri churiya ko jagaya)
sunheri churiya kia bat hai umro kiun pareshan ho? (sunheri churiya ny umro se ulta sawal kr diya)
mujhe batao sunheri churiya k yahan se bachy kon gayab krwa raha hai (umro ny itmenaan se pucha)
mu'af krna umro main ye raaz nahi janti (sunheri churiya ny sharmindagi se jawab diya)
kiya... tum to jadooi churiya ho tum aur duniyan ki har cheez dekh sakti ho phir ye bat kese nahi janti (umro ny herat se kaha)
umro main duniyan ki har cheez dekh sakti hoon par kuch cheezon pr kuch ese jadooi hisaar lagy hote hain jo main to kia koi bhi jadooi cheez par nahi kr sakti (sunheri churiya ny sir jhukate hue jawab diya)
to phir mujhe apne sawalon k jawab kese milen gy (umro ny mayoos hue kaha)
fiker kiun krte ho umro.. tumhare paas wo sulemani takhti hai na jahan jadooi cheezon ki had khatam ho jati hai wahan se sulemani cheezon ki hadood shuru hoti hain. (sunheri churiya ny muskurate hue goya yaad dilaya)
ary han sulemani takhti k bare mein main to bhool hi gaya tha (umro chonka)
phir umro ny apni sulemami zambil mein se sulemani takhti nikali aur apna sawal dohraya magar kuch is tarah
ayr sulemani takhti mujhe batao k yahan se bachy kon gayab karwa raha hai aur ye kon se jinnat hain jin py jadoogero k jadoo ka koi aser nahi ho raha (umro ny sulemani takhti se pucha)
ye kaam garaj rani ka hai aur wo jinnat bhi ussi garaj rani k banaye hue hain isi liye un jinnaton par kisi aur ka koi jadoo kam nahi karta balky garaj rani ny unhen kuch is tarah banaya hai k agar garaj rani k siwa koi un py jadoo kr k unhen marny ki ya nuqsaan ponchany ki koshish kre ga to wo jin aur bhi ziyada taqatwer ho jaengy (sunheri takhti par alfaz namudar hue)
garaj rani... magar ye garaj rani hai kon aur ye sab kiun kr rahi hai?
(umro ny herat se puchha)
garaj rani ik churel hai jo saambri ki poojaran hai aur wo ab ik hazaar ik so giyaran (1111) jadooger bachon ki bali sambri ko charha k hamesha zinda rehna chahti hai aur is liye us ny na sirf yahan k baly tilesum hosharba, tilesum khon e rawan, tilesumistan k jadoogaron k ilawa aur bohat se chote bare jadoogaron k shaheron se jadooger bachy utwaye hain (sulemani takhti pe phir se alfaz ubhre)
aur ye garaj rani rehti kahan hai (umro ny gazabnaak hote hue puchna)
yahan se char so (400) koss door shumal ki taraf jao gy to ik chota sa pahari ilaka aage ga jahan k pahar tez surkh rang k hain aur aag se bhi ziyada garam hain unhi paharon k bicho bich ik safed pahar hai us pahar main mein hi garaj rani ka mehal hai jo bahir se kisi ghaar ki tarah nazar aata hai (sulemani takhti py phir likha hua aaya)
umro ayar ny sulemani takhti apni zambeel mein rakhi aur mehman khane se nikal kr seedha showsha jadoogar k kamre ki tarf barha kamre mein dakhil hote hi umro ny wahan mojud sab hi logon ko sari bat batai
garaj rani ka nam sunky bhisham dada pareshan ho gaye jo k umro ny bhi dekh liya
kiya baat hai bhisham dada aap kuch pareshan nazar a rahe hain (umro ny bhisham dada ki pareshani ki wajah janne k liye phucha)
han umro bete bat hi kuch esi hai (bhisham dada ny mayosi zahir krte hue kaha)
kia bat hai bhisham dada kuch hamen bhi to pata chale (showsha jadoogar ny bhi sanjeedgi se kaha)
tum log garaj rani k naam se anjan ho (bhisham dada ny ma'iny khaiz andaaz mein bola)
to agar aap jante hain is k bare mein to hamhen bata dein ho sakta hai k is se muqabla krne mein mujhe kuch madad mile (umro ny tafsil se pucha)
ye hamare koh e kaaf ki sab se buhri aur taqatwar churail hai ye rishte mein meri door ki behan bhi lagti hai magar is ki roz roz ki manmani aur badsuluki ki wajah se shah e koh e kaaf ny isse 200 saal pehly koh e kaaf se nikal diya tha magar isse iski taqaten nahi lin thin tab k badh aaj is ka naam suna hai (bhisham dada ny ronhasi awaz mein bataya)
zahir hai jab kisi apne se judai ki bat zuban py aati hai to kisi ka bhi dil bhar aata hai.
acha to ab mujhe ijazat den main apni mohim py jald se jald ponch kr un masoom bachon ki jaan bachana chahta hun jo fil waqt us churail ki qaid mein hain (umro ny joshily lehje mein kaha)
To is naik kaam main hamare dus hazaar (10,000) sipahi bhi tumhare sath jaen gy main abhi foj ko tayyari ka hukum deta hun (showsha jadoogar ny bhi purjosh lehje mein kaha)
nahi uski koi zaroorat nahi showsha jadoogar is jesi churailon k liye to main akela hi kafi hun aur phir Meri madad k liye mera Allah har waqat mere sath mojud hota hai (umro ny befikri se jawab diya) aur Bina kisi k jawab k intezar kiye utt k mehal se bahir nikal gaya bahir a k umro ny sulemani zambeel se sunheri joote nikali aur un ko pehan k garaj rani k rurkh paharo py chalne ka hukum diya umro ny sunheri joote ko jaan bhooj k paharon se zara pehly utarny ka hukum diya tha chuna chy sunheri joote fiza mein buland hue aur shumal ki janin parwaz krne lage sunheri joote bijli ki raftaar se urr rahe thy aur is taraj Chand hi minto mein umro matulba manzil tak yani surkh paharon ki wadi k bahir tak ponch gaya ab umro ny sunheri joote zambeel mein dale aur zambeel se rohgan e ayyari nikal kar apna behs badalne laga phir us ny zambeel se ik nihyat qimti libas nikal k pehna ab wo koi ameer taajir nazar a raha thankus ny zambeel se ik aala nasal ka ghora nikala aur us py sawar ho k paharon ki taraf barhne laga
surkh paharon k darmiyan chalte hue umro ko saaf mehsoos ho raha tha k ye pahar qudrati nahi balky koi jadooi pahar hain kiun k ye pahar pathreely bilkul nahi thy balky moom k bane hue the ye dikhane mein buland o bala pahar thy magar dar haqeekat ye koi mom k pahar thy umro ko in k darmiyan ghumte hue taqreeban aadha din beet chuka tha magar usse kahin wo safed pahar nazar nahi aaya jis mein us garaj rani ka gaar tha aur na hi koi esa nazar aaya k jis se rasta hi phuch sake
umro ny socha k is tarah to koi faida nahi kiun na koi or tareeqa nikala jae garaj rani ko dundny ka chuna chy umro ik pahar py charny laga pahar kiun k moom ka bana hua tha to ghore ko pahar py charny mein koi pareshani nahi hui pahar k uper se umro ny charo taraf ka jayza liya
usse ik safed pahar nazar aaya umro ussi simat chal parha abhi wo kuch hi door gaya tha k ik chote qad k jadoogar ny uska rasta roka kon ho tum ajnabi (chote jadoogar ny garajdaar aawaz mein pucha)
pehly tum batao k tum kon ho kiun k main kisi gareeb jadoogar se bat nahi krta (ajnabi ny bhi ussi andaza mein jawab diya)
main ko aam jadoogar nahi mera nam moom jadoogar hai aur main moom ki nagari ka rakhwala hoon (moom jadoogar ny takaburana andaz mein apna naam bataya)
hmmm ye moom ki nagari hai (ajnabi ny ta'ajub se kaha)
han par tum kon ho aur yahan kiya kr rahe ho (moom jadoogar ny usse ghoorte hue pucha)
main yonaan ka tajir hoon aur mera naam shira tajir hai (ajnabi ny apna ta'aruf krwaya)
yohnan k tajir ho to yahan kiya kr rahe ho (moom jadoogar ny munh bana kr kaha)
ary main tajir hun tijarat ki gharz se yahan wahan mulkon mulkon ghumta phirta hun is bar koh e kaaf jane ka irada kiya tha shayad galati se rasta bhatak k idhar a nikla (tajir ny sanjidgi se jawab diya)
par yahan aane ki tumhari himmat kese hui jante nahi ye garaj rani ki riyasat hai aur uski ijazat k bina yahan koi bhi nahi a sakta (moom jadoogar gurraya)
ary ary bom jadoogar gussa kiun krte ho yar main ny kaha na main rasta bhatak k yahan a gaya tha (shira tajir ny dare hue lehje main kaha)
wo jo bhi ho pehli baat to ye k mera naam bom nahi moom jadoogar hai aur dusri baat ye k ab tum yahan a hi gaye ho to yahan se zinda wapis nahi ja sakte (moom jadoogar garajdaar? awaz main bola)
Ufffff mere khuda ye kesi mushkil hai bhai moom jadoogar mujh ko mar k tum ko kiya mile ga mujhe jane do (shira tajir rohnhasi awaz mein bola)
nahi nahi ab tum yahan se zinda wapis nahi ja sakte shuker manao abi garaj rani yahan nahi hai warna wo tum ko itni bhayanak moat deti k tumhari sath 7 pushten bhi kanp jati main to sirf tumhara sir tumhare badan se alag krun ga hahaha (moom jadoogar hansta hua bola)
acha jab tum ny mujhe marne ka faisla kr hi liya hai to kam se kam meri aakhri khuwaish hi puri kr do (shira tajir ny sir jhuka k kaha)
bolo kiya chahte ho (moom jadoogar ny goya faraq dili se kaha)
ziyada kuch nahi bas marne se pehly ye yohnani barfi khana chahta hun jo main apneth laaya hun (shira tajir ny ik lifafa nikalte hue kaha)
yohnani barfi.... laao pehly main kha'on ga phir tum samjhe.. (moom jadoogar ny barfi ka lifafa tajir se cheente hue kaha)
zahir hai mittai dekh k jadoogar k mun mei pani a gaya tha us ny barfi ka ik bara sa tukra nikal k mun mein dala aur maze le le k chabany laga magar agly hi pal wo behosh ho k gir parha kiun k barfi nasha awar thi aur wo tajir dar asal umro ayar tha,
umro ny jaldi jaldi rogan e ayyari ki madad se khud ko moom jadoogar ka humshakal banaya aur phir moom jadoogar ko apna yani yohnani tajir ka humshakal banaya aur moom jadoogar k hath paon band kr us ki zuban mein ik sui pewast ki ta hosh mein ane k bad wo koi mantar wanter na parh sake phir aapas mein libas tabdeel kr k usse apne ghory py laadh k khud paidal hi garaj rani k safed pahar ki tarf chal parha pahar ziada door na tha wahan ponch kr moom jadoogar ny bohat talash kiya magar usse ander jane ka koi rasta na dikha aakhir wo wahin khara ho gaya abi usse wahan khare hue thori hi deir guzri hogi k achanak badal garajne lage har taraf andhera sa chane laga din mein jese raat ka sama ho gaya moom jadoogar ny aaman ki janib dekha to aasman se bijli si neechy giri wo ikqadam peechy hata bijli seedha uske samne zameen py giri aur dekhte hi dekhte us bijli ny ik bhuri badsoorat churail ki shakal ikhtiar kr li
us churail ki naak 3 ungal lambi thi aankhen bari bari behad khofnaak jin mein se surkh rang k aangare phoot rahe thy hont ese jese kachy ghosht k do mote mote lothre latak rahe hone kaan ghaddhy ki tarah lambe lambe chehra ik to kala uper se us py betahasha jhurriyan parhi hui thin baal Puri safed thy haatho k nakhoon b bohat lambe thy aur kaale b haathon py b chehre ki tarah jhurriyan parhi hui thin wo moom jadoogar ki taraf barai aut garajdaar aawaz mein boli moom jadoogar tum yahan kiya kr rahe ho (churail k lehje mein intehai gussa tha)
mu'afi chahta hun garaj rani magar ye ik shakhs jo bina ijazat aap k ilaqe mein ghuss aaya tha issi ko giftar kr k laya hun (moom jadoogar ny apne aane ka sabab bataya)
is ki itni jurrat kese hui isse foran mere mehal main le aao is ko wahin saza dungi aur esi saza dungi k aa'inda koi bina ijazat yahan se guzarne ki b galati na kre (garaj rani ny gusse se behosh tajir ko ghoorte hue kaha)
phir usny apne da'ain hath ki pheli ungli pahar ki taraf gumai to wahan ik ghaar numa dar ban ban gaya aur ye dono ghaar k ander dakhil ho gaye ander se ye koi aalishan mehal tha magar behad darawna tha jahan har taraf dewqaro py insani danchy latak rahe thy ik taraf ik bara sa haati ka dancha rakha hua tha ik meiz thi jo shayad hadiyon se bani hui thi aur us py ik bohat bari insani khopri rakhi thi jls ka rang kala tha wo log is jagah se guzar kr ik bare kamre mein dakhil ho gaye yahan b dewaro py mukhtlif janwaro ki khopriyan latak rahi thi
choti bari chapttih moti har tarah ki khopriyan aur un k beech beech insani khopriyan bhi thin garaj rani ik siah rang k takhat py ja k beht gayi jo galiban hati ki hadion se bana hua tha
lao dikhao to kon hai ye aadam zad jis ki itni himmat hui (garaj rani ny takaburana andaz main kaha)
moom jadooger ny apne khandhe se us behosh shakhs ko utara aur garaj rani k samne zameen par patak diya ussi pal garaj rani ny ik manter parh k uss ajnabi py phoonk mari to usse ik dum hosh a gaya wo herangi se apne charo tarf dekhne laga
kon hai tu aur is tarf aane ki teri himmat kese hui? jante nahi ye meri saltanat hai..
(garaj rani ny usse hosh mein late hi kai sawal kr diye)
jawab mein us shakhs ny apni zuban bahir nikali jis mein sui pewast thi
ye uski zuban mein sui kesi ? (garaj rani ny herat se pucha)
ye main ny dali hai garaj rani kiun k ye khud ko bohat hoshiyar samjhta hai aur mujhe apni mein uljah k farar hony ki koshish kr raha tha aur to aur is ny baton baton mein mujhe dhoky se ye yohnani barfi bhi khilana chahi magar main samjh gaya k ho na ho is barfi mein zehar mila hoga jabi main ny ye barfi nahi khai balky apne jadoo se isse behosh kr diya aur is k hath paon bandny k sath is ki zuban mein bhi sui laga k isse yahan le aaya ta l hosh mein a k ye koi chalaki krne ki koshish na kr sake (moom jadooger ny tafseel batai)
hmmm sui nikal do hum bhi to dekhen ye kitna hoshiyar hai (garaj rani ny guya hukum diya)
aur moom jadooger ny aage barh k ajnabi ki zuban se sui nikal di
sui nikalte hi uss ajnabi ny khud par ik manter parh k phoonka aur sath hi us k jisam se lipti hui sari rassiyan gayab ho gayin aur wo garaj rani k samne khara ho gaya
kiya tum koi jadooger ho? (garaj rani ny herat se sawal kiya)
garaj rani mein hun aap ka wafadaar moom jadooger (ajnabi tajir ny teiz lejhe mein kaha)
jhoot mat bolo agar tum garaj jadooger ho to ye kon hai (garaj rani moom jadooger ki tarf ishara krti hui chillai)
ye.. ye wo yohnani fakir hai jis ny mujhe wo nasha awar barfi khilai thi (ajnabi tajir bola)
dekha garaj rani ye kitna bara jhoota hai jo khud ko moom jadooger sabit kr k tumhare gusse se bachna chahta hai (moom jadooger ny jaldi se bola)
nahi ye jhoota hai garaj rani is ny mera roop liya hua hai ye tum ko behka raha hai garaj rani (ajnabi tajir ny bhi teoz lehje mein kaha)
chup kro tum dono main abhi esa jadoo krti hun k sab ka asli roop samny a jae ga (garaj rani ny chilate hue kaha) aur ye keh kr us ny aankhen band kr k ik manter parha aur chath ki tarf phonk mari agle hi lamhe wo ajnabi tajir moom jadooger mein basal gaya jab k moom jadooger ab gayab ho chuka tha kiun k wo moom jadooger nahi balky umro ayar tha aur jab garaj rani manter parh rahi thi tabhi us ny sulemani chadar nikal k aurh li thi aur issi liye ab wo garaj rani to kiya siwae allah k kisi ko nazar nahi a sakta tha
ary to tum ho moom jadooger magar ye naqli moom jadooger kahan gaya (garaj rani ny herat se kabhi moom jadooger to kabi idhar udher dekhte hue kaha)
pata nahi abi to yahin tha (moom jadooger ny bhi udher udher dekhte hue kaha)
lagta hai bhag gaya jao usse pakar k lao abi ziada door nahi gaya hoga (garaj rani gurrai)
main bhagne walon mein se nahi bhagane walon main se hun (kamre mein ik roab daar awaz gunji)
kon ho tum (garaj rani ny bokla k charo tarf dekhte hue pucha)
tumhari moat naam hai umro ayar (umro ki awaz phir gunji)
kon umro ayar wohi to nahi jo jadoogaron ka jani dushman hai (garaj rani ny phir pucha)
sahi pehchan par main jadoogaron ka hi nahi zalimoon ka bhi dushman hun (umro ny hanste hue jawab diya)
to tum yahan kiya kar rahe ho jao kisi jadooger ko maro mujhe marna tumhare bas ki baat nahi hai (garaj rani ny goya taznzia lehje mein kaha)
wo to waqat hi batae ga lekin agar tum un masoom bachon ko mere hawale kr do jin ko tum ny bali charhane k liye agwa kiya hai to main tumhari jan bakhsh sakta hun (umro ny tijarati andaz main apna faisla sunaya)
nahi main un ko tumhare hawale kabi nahi karun gi agar tum un ko churwana chahte ho to mere samne a k mera muqalba krna hoga (garaj rani ny umro ko lalkarte hue kaha)
teekh hai tum khud hi marna chahti ho to main kiya kar sakta hun (umro ny tanzia lehje mein kaha) aur apni sulemani chadar utaar k zahir ho gaya umro k zahir hote hi garaj rani ny umro py ik zabardast manter phonka magar koi faida na hua kiun k umro is hamle k liye tayyar tha wo foran ik taraf ho gaya aur jadooi shuwaon sy saaf bach nikla
garaj rani ny phir ik manter parh k umro ki tarf phonk mari magar umro is bar b saaf bach nikla ab garaj rani ko bohat gussa a gaya aur us ny apne takhat se ik bari si haddi nikali aur us py koi manter parh k use umro ki janib uchal diya aur wo haddi ka tukra ik bijli ka roop le k umro ki janib barha magar yahan b mad e muqabil umro ayar tha wo foran apni jaga se uchal k chand qadam door ja khara ho gaya aur wo bijli ka shola seedha moom jadooger ko ja laga kiun k moom jadooger umro k bilkul peechy khara tha aur umro k hatny se wo shola moom jadooger ko ja laga aur moom jadooger usi waqat jal k rakh ho gaya ye dekh k garaj rani gussy se pagal ho gayi aur us ny ik aur haddi py kuch parh k umro ki tarf pehnka magar is bar bhi usse mun ki khani parhi aur umro saf bach nikla
tumhara tamasha khatam ho gaya ho to zara mera waar bhi dekh lo (umro dhahra) aur umro ny sulemani zambil se ik choti si sunheri zanjeer nikal k garaj rani ki tarf uchal di kiun k umro ka nishana pakka tha to wo zanjeer seedhi garaj rani k gale mein ja giri aur dekhte hi dekhte garaj rani ik aa'hini zanjeer mein qaid nazar aany lagi garaj rani ny jab khud ko is tarah qaid dekha to kudh py ik manter parh k phoonka aur wo zanjeer gayab ho gayi
Tum ny mujhe py hamla kar k acha nahi kiya umro ab main tumhen esi saza dungi k aainda kisi aadamzaad ki kisi churel se ulajne ki himmat na ho gi ye keh k us ny apne sir ka taj jo k nokile taron se bana hua tha umro ki taraf uchal diya jis mein se tez pani nikal raha tha
umro ny is bar kudh hatny k bajae apni zambil ka mun us k samne khol diya aur taj zambil k ander sama gaya ab umro ny zambil se sulemani chatri nikali aur usse garaj rani ki taraf kr k khol diya foran hi garaj rani us chatri k nichy a k ulti latakne lagi garaj rani ny bohat koshish ki khud ko us chatri se azad krwane ki jitny manter usse yaad thy sab parh dale magar sab beasar sabit hue kiun k ab wo sulemani chatri ky nichy latak rahi thi to us ka koi jadoo kam nahi kr raha tha
ab batao k wo bachy kahan hain (umro ny garaj rani se pucha)
nahin baton gi kabi nahi bataon gi chahy tum mujhe mar hi dalo kabi nahi bataon gi (garaj rani ny dant peesty hue kaha)
mar to main tum ko sakta hi hun lekin agar tum un bachon ko mere hawale kar do to ho sakta hai main tumhari jan bakhsh dun (umro ny muskurate hue kaha)
Hargiz nahi (garaj rani gurai)
hmmm rasi jal gai bal nahi gaye (umro ny tanz kiya) aur sath hi apni kamar py laga khanjer nikal k garaj rani k dain bazoo py ik zarb lagai
ab batati ho ya issi tarah tarpa tarpa k maron tumhen (umro ny gussy se usse gurty hue kaha)
aaaaaa batati hun batati hun wo uss samne wale kamre k nichy bane hue tehkhane mein hain (garaj rani dard se karate hue boli)
aur uss kamre ka rasta kahan se hai (umro ny same dewaar ko dekhte hue pucha)
wo us sandooq k peechy se hai (garaj rani ny bataya)
umro ny chatri se latki garaj rani k mun py koi sefoof chirka jis se wo behosh ho gayi aur phir us ko nikal k us ko zambil mein dala
aur khud us sandooq ki taraf barha jis ki taraf garaj rani ny ishara kiya tha umro ny jese hi wo sandooq khola us k ander seeriyan nazar aain jo nichy ki taraf ja rahi thin aur nichy kuch nazar nahi a raha tha umro ny ba'tor ahtiyat apni sulemani chadar nikal k urrh li phir seeriyan utarne laga seeriyan kari lambi na thin jald hi umro tehkhany main ponch gaya yahan har taraf andhera hi andhera tha umro ny sulemani zambil mein se ik jaldi hui mashal nikali aur us ki roshni mein aage barhne laga chand qadam chalne k badh umro ko ik darwaza nazar aaya jis py khopri ka nishan bana hua tha umro ny wo darwaza kholne ki koshish ki magar wo na khula galeban wo kisi jadooi manter se band tha umro ny socha ye esy nahi khule ga to usne sulemani zambil se sulemani anguti nikal k pehan li aur us anguti py jare hue bare se hire ko darwaze se takaraya anguti k lagte hi darwaze ka sara jadoo khatam ho gaya aur darwaza khulta chala gaya andher bohat se bachy behosh parhe tha kuch bachy zor zor se ro bhi rahe the kiun k abi tak umro ny sulemani chadar nahi utari thi to usse koi nahi dekh saka lekin hawa mein mollaq mashal ko dekh k bachy aur bhi dar gaye aur pehly se bhi ziyada zor zor se rony lage
are are bacho daro nahi main tum logo ko bachane aaya hun (tehkany mein awaz aai)
kon ho tum samne kiun nahi aate (ik bachy ny himmat kr k pucha)
mera naam umro ayar hai mujhe showsha jadooger ny tum logo ko bachany k liye behja hai (umro ny chadar utarte hue jawab diya)
kiya tumhen sach mein abba jan ny behja hai (ik bachy ny bharai hui awaz mein kaha) wo moma jadooger tha showsha jadooger ka beta
han aur nahi to kiya main yahan jhak marne aaya hun (umro ny mun banate hue kaha)
bachy kiun k no soo (900) se ziyada thy to un ko ik satha yahan se lejana asan kaam nahi tha magar yahan bhi umro tha us ny pehly to sab bachon ko mittai khilai jis se bachy behosh ho gaye phir sab behosh bachon ko apni sulemani zambil mein dala aur phir us tehkhane se nikal k gaar ki talashi lene laga gaar k ik kamre mein usse sony chandi se bhare hue chaar (4) sandooq mile umro ny wo charon sandooq chand lamhon mein hi khali kar diye aur sara sona chandi bhi apni sulemani zambil mein bhar liya phir bhi us ki zambil khali hi nazar a rahi thi phir wo gaar se bahir aaya bahir a k us ny sulemani zambil se sunheri joote nikal pehne aur unhen showsha jadooger k mehal chalne ka hukum umro ka hukum milte hi joote fiza mein buland hue aur showsha jadooger k mehal ki taraf baraq raftar se urny lagy is tarah kuch hi deir mein umro telisum nagri ponch gaya
showsha jadooger ka mehal tha mehal ponch k umro ny sunheri joote utare aur apni sulemani zambil mein wapis rakh liye phir mehal k ander dakhil ho gaya ander sab log yani showsha jadooger, bhisham dada, more jadooger aur jagmag pari mohjood thy umro ny ander jate hi sab ko salam kiya
walekum salam umro tum akele hi a gaye bachy kahan hain (showsha jadooger ny umro ko akela dekh k herat se kaha)
sab bachy mere sath aaye hain magar main un sab ko un k ghar nahi poncha sakta wo kaam aap logo ny hi karna hoga (umro ny sanjeedgi se jawab diya)
han han hum un sab ko un k ghar zaroor behjengy magar wo hain kahan (showsha jadooger ny umro charon taraf dekhte hue kaha)
umro ny apni sulemani zambil se sare bachon ko bari bari bahir nikala wo sab abi bhi behosh thy phir umro ny behoshi zaya krne wala goobara phora to sab ko hosh a gaya showsha jadooger apny bete moma jadooger ko dekh k usse lipat gaya mor jadooger rangin jadooger se chimat gaya jab sab bachy hosh mein a gaye to jo tilesum nagri k rehne wale thy wo to is jaga ko pehchante thy wo khush ho gaye k ab wo azad hain magar baqi bachy abi bhi khud ko kisi anjan jaga paa kr dar rahe thy
daro nahi bachon ab tum log bilkul mehfooz ho (umro ny bachon ko tasalli di)
aur phir showsha jadooger ny apny jadoogaron ko bula k un ko un k bachon se milwaya aur sab ko hukum diya k wo baqi bachon ko bhi jald se jald un k ghar ponchayn aur phir umro bhi apny ghar chala gaya
......The End....
abi umro ki aankh lage ziada der nahi hui thi k use kuch ajeeb si aahat sunai di umro ny utt k charon taraf dekha magar khaime mein sab sahi tha aur wo awaz bhi ab aana band ho gai thi umro usse apna weham samajh k phir sony lait gaya magar kuch lamhon bad usse phir se wohi aahat mehsoos hui is bar umro utt kr khaime se bahir a gaya bahir ussi tarah sanata dikhai de raha tha ab wo aahat aur qareeb a gayi thi aur esa maloom hota tha jese wo ghore ki tapon aahat ho aur koi ghore sawaar is taraf a raha ho magar ghore sawaar tha kahan
dheere dheere jab wo aahat itna qareeb a gayi k us ki taraf ka andaza lagaya ja sake to umro ko ye mehsoos hua k wo awaz uper asman se a rahi thi umro ny nazar utta k uper dekha to usse saman mein ik safed ghora nazar aaya jis ki pusht py ik haseen o jameel no'jawan larki behti thi us larki ny safed rang ka nihayat hi qeemti libas pehna hua tha jis mein ja baja rang barangi sitare chamak rahe thy us k sar py ik chota sa taj bhi tha jis mein chote chote rang barange hire jare hue thy jo chand ki roshni mein jagmaga rahe thy zameen k qareeb a k wo larki ghore se utar gayi aur ghora gayab ho gaya larki umro ki taraf aayi aur adab se umro ko salam kiya
walekum salam par tum kon ho aur is veeran registan mein kiya kr rahi ho (umro ny salam ka jawab de kr pucha)
mera naam jag mag pari hai aur mein tilesum nagri mein rehti hun main yahan aap ko hi lene aaye hun umro ayar. ( jagmag pari ny adab se jawab diya)
mujhe lene kiun bhayi (umro ny chonkte hue pucha)
mujhe mere malik showsha jadooger ny aap ko lene k liye behja hai aur sath mein ye pehgam bhi behja hai (jagmag pari ny ik lifafa umro ayar ki janib barhate hue kaha)
Umro ny wo khat parha likha tha.
piyare urmo ayar main janta hun tum jab ye khat parho gy to humari madad k liye zaroor a jao gy dar asal yahan tilesum nagri mein pichly kuch dino se koh e kaf k kuch jino ny tabai macha rakhi hai hum jadoogeron ka koi bhi jadoo ya hatiyar in py asar nahi karta balky hum jadoo k zor se jitne jin marte hain ye utne hi aur paida ho jate hain ye log pichly 10 dino mein tilesum nagri k taqreeban 30 bachy utta kr le ja chuke hain jin mein mera beta moma jadooger aur mere wazeer ka beta sona jadoogar bhi shamil hain jo k yahan k kanon k mutabik abi jadoo krna nahi jante inhen in ki jadooi takaten 19 sal ki umer mein milen gi
khudara jaldi humari madad ko aao umro mein tumhara ehsan mand rahonga
faqat ik faradi
showsha jadooger
dekho dagmag pari main tumhare sath zaroor chalun ga tumhari madad bhi zaroor krun ga kiun k mujhe zulum krne walon se sakht nafrat hai phir wo chahy koi jadoogar ho ya koi jin ya koi aur makhlooq par meri ik bat hamesha yaad rakhna k sab ka khalikh aur malik sirf allah hai aur koi kisi ka malik nahi (umro ny khat parh k jagmag pari se kaha)
shukria umro par mera nam jagmag pari Hai dagmag pari nahi (jagmag pari ny muskura kr kaha)
acha maf krna bakbak pari (umro ny sir khujate hue kaha)
bakbak pari nahi jagmag pari jagmag pari (jagmag pari ny apna nam yad dilate hue kaha)
dar asal umro jan bujh kr uska naam galat le raha tha umro dekhna chahta tha k wo gussa krti hai ya nahi kiun k wo janta tha k tilesum nagari k jadoogar naik aur reham dil hote hain agar jagmag pari waqai tilesum nagari se aayi hai to wo itni choti si bat ka bura nahi manay gi aur agar ye umro k dushano ki koi chal hai to wo zaroor gussa kre gi kiun k buri pariyan zara si bat bardasht nahi krtin aur foran samne wale py humla krti hain agar jagmag pari esa kuch krti to phir umro k hathon se usse sirf allah hi bacha sakta tha khair jab umro ny mukammal itmenaan kr liya k ye koi buri pari nahi to wo jagmag pari k sath chalne ko razi ho gaya aur apna khaima utta k apni zambeel mein dal liya jagmag pari ny foran hawa mein hath ghuma k ik nihayat hi umda jadooi takhat banaya kiun k wo janti thi k umro urr nahi sakta wo dono jadooi takhat py beht gaye phir jagmag pari ny jadooi takhat ko
tilesum nagari mein showsha jadooger k mehal chalny ka hukum diya aur takhat ik tarf urrny laga showsha jadooger 15 saal pehly tak tilesum hosharba ka ik azeem taqatwar aur dolat mand jadooger tha wo ik nihayat reham dil jadooger tha yehi wajah thi k tilesum hosharba k badshah afrasiyaab ny usse tilesum hosharba se nikal diya tha aur usny tilesum hosharba se nikalny k bad shaam k qareeb ye tilesum nagri banai thi yahan ki har cheez tilesmi thi ghar, pahar, darakht, dariya, sab kuch showsha jadooger ka hi banaya hua tha sirf yahan k jadoogaron ko chor k sab kuch
isi liye to is jagah ka nam tilesum nagri tha kiun k yahan har cheez tilesmi jo thi magar sochny wali bat ye thi k showsha jadooger khud ik azeem jadooger tha wo kai jin o parion ko qabu kiye hue tha phir ye kon jin thy jo showsha jadooger k bas mein nahi a rahe thy kahin ye jin koi jadooi makhlooq to nahi jinhen afrasiyaab jadooger ya kisi aur bure jadooger ny behja ho abi umro ye soch hi raha tha k jadooi takhat ik nihayat khubsoorat mehal k samne zameen par utra mehal bohat bara aur shandar tha aur us k darwaze py do hatte katte deu hekal jin haaton mein bijli ki bani hui talwaren liye paihra de rahe thy jagmag pari takhat se utri sath hi umro bhi takhat se utar aaya aur takhat gayab ho gaya jagmag pari ny ik jin se kaha
Jangu jin jao aur showsha jadooger ko khabar do k jagmag pari aur umro ayar us se milne aaye hain (jagmag pari ny darban jin se kaha)
Jangu jin bina kuch bole adab se sir jhooka k ander chala
gaya chand lamhon bad wo wapis namudaar hua aur bola
badshah showsha jadooger ny aap dono ko ander bulaya hai (jangu jin ny adab se darwaza kholte hue kaha umro aur jagmag pari us darwaze se ander dakhil ho gaye to jin ny darwaza phir se band kr diya ye mehal ander se bhi utna hi shandaar tha jitna bahir se dikhta tha
darwaze k ander ik bara sa sehan tha jis mein har taraf ghans lagi hui thi aur darmiyan mein nihayat hi umda aur nafees kaleen bicha hua tha jo seedha ander k darwaze ki tarf ja raha tha umro aur jagmag pari usi kaleen py chalte hue androni darwaze mein dakhil ho gaye ye ik bara sa haal kamra tha jis mein bohat hi shandaar sajawat hui wi thi dar o deewar se halki halki roshni ko kirne photti mehsoos ho rahi thi sath hi kamre ki androoni khirkiyon py rashmi kapre k jhilmilate hue parde latak rahe thy kamre k wast mein bhi ik kaleen bhicha hua tha aur ye kaleen bahir wale kaleen se bhi khubsoorat aur namram o gaddar tha kaleen k dusri taraf do seeria char k ik takhat rakha hua tha jo sony ki tarah chamak raha tha aur us py phoolon ki chadar bichi hui thi jis ki khushbow se pura kamra muttar ho raha tha us kamre mein ik burha jadoogar tehal raha tha jo yaqinan showsha jadoogar hi tha us ny umro ko dekhte hi door k umro k haat choom liye.
zaih e naseeb k umro ayar humari madad ko raazi ho gaya (showsha jadoogar ny khush hote hue kaha)
us kamre mein showsha jadoogar umro ayar aur jagmag pari k elawa do kanizen bhi mojood thin
jo showsha jadoogar k takhat k dain bain haton mein mor k paron se bana phankha liye khari thin aur ik tarf ik kursi py koh e kaaf k mashoor jadoogar bhisham dada behte hue thy umro foran samjh gaya showsha jadoogar ko umro se madad lene ka mashwara bhisham dada my hi diya hoga
wo tho teekh hai showsha jadoogar par main tumhari madad tab hi kar paon ga jab tum mujhe saari bat khul kr batao gy k aakhir yahan ka masla kia hai aur kab se ye silsila chal raha hai (umro ny showsha jadoogar k kandhy py haath rakhte hue kaha)
baat dar asal ye hai k pichlly 10 dino se tilesum nagari ki mashriqi sarhad k qareeb kuch ajeeb jinnaton ny daira dala hua hai unhon ny tilesum nagari k logon ka jeena haram kar rakha hai wo rozz tilesum nagari k bachon ko utta k le jate hain aur phir us bache ka kisi ko kuch pata nahi chalta pichlly 10 dino mein wo ?0 se za'id bachon ko agwa kar chuke hain (showsha jadoogar ny tafsil se batate hue kaha)
wo sab bachon ko agwa krte hain kisi khaas umar k bachon ko? (Umro ny kuch sochte hue pucha)
nahi sab ko nahi wo sirf 8 se 10 saala bahon ko hi le gaye hain aur wo bhi sirf larko ko larkiyan sab mehfooz hain (showsha jadoogar ny tawajjah se jawab dete hue jawab diya)
hmm mujhe us jaga le chalo jahan se bachy gayab hue thy (umro ny kuch sochte hue kaha)
bachy kisi ik jagah se gayab nahi hue umro kuch bachy khel k medan mein khelte khelte gayab ho gaye to kuch maderse se aur to aur kuch bachy to un k apne gharon se gayab ho gaye
aur mera beta moma jadoogar to mere bhare darbar mein meri hi aankhon k samne se gayab ho gaya aur... aur main kuch na kr saka (showsha jadoogar ny ronhase lehje mein apni bat batai)
teekh hai abj mujhe ik khali kamra de do main inshaallah kal subah hi apni is mohim py nikal jana chahta hun aur agar allah ny chaha to tumam bachon ko ba'khairyat un ki qaid se rihai dilaon ga (umro ny joshily lehje mein kaha)
M
magar umro bete ye b to ho sakta hai k wo jin aadam khor hon aur un bachon ko ab tak un bachon ko kha chuke hon (bhisham dada ny apna shuba zahir kiya)
mujhe nahi lagta k unhon ny in bachon ko sirf khane k liye agwah kiya hoga kiun k agar un ko apni bhook hi mitani thi to kisi bhi bache ya jawan jadoogar ko le jate sirf 8 se 10 saal k bachon ko hi kiun chuna aur wo bhi sirf larkon ko (umro ny bhi apna khayal zahir kiya) aur umro ki bat qabil e ghor thi itny mein ik darban jin ander dakhil hua
aali jah mor jadoogar aap se milne aye hain (darban jin ny adab se showsha jadoogar ko salam kr k kaha)
mor jadoogar... raat k is pehar (showsha jadoogar nychonkte hue kaha)
unhen ander le aao showsha jadoogar ny darban ko hukum diya aur wo wapis chala gaya thori der bad wo dobara ander aaya to us k sath ik nihayat hi bhoora shakhs tha jis k sir k dhari k monchon k sare baal safaid ho chuke thy yahan tak k bhawen aur palken bhi safaid ho rahi thin aur wo chehry se kafi pareshan bhi dikha raha tha
kiya hua mor jadooger tum raat k is waqat kese aay sab teekh to hai (showsha jadooger ny us bhoore se mukhatib ho k puncha)
Kiya bataon aali jah main to kisi ko mun dikhany k qabil na raha kal mera batija rangin jadooger achanak hi paristan se mujhse milne aur tilesum nagri ki sair karne yahan aa poncha mainy usse samjhaya k abhi yahan se chale jao magar wo nahi gaya aur abi kuch der pehlu wo bhi gayab ho gaya (mor jadooger ny lagbhag rote rote fariyad sunai)
ary ye to bohat bura hua pehly hi humare tilesum nagari k bachy gayab ho rahe thy ab to humare mehman bhi gayab hone lagy is se to tilesum nagari ki izzat khaak mein mil jae gi (showsha jadoogar ny pareshan hote hue kaha)
janab main nahi janta tha wo aane wala hai agar mujhe zara b us k aane ki khabar hoti to main usse yahan aane hi na deta khas kar in dino mein jab hum sab Jadoogar bebas o lachar ho gaye hain ( mor jadoogar ny qadar e sharmindagi se kaha)
janab e buzurg aap fiker na kren aap ka bateeja jahan b ho ga inshallah jald hi main us ko aap k paas le aaon ga (umro ny mor jadoogar ko tassalli di)
ye kon hy shehansha (mor jadoogar ny herat se umro ko dekhte hue showsha jadoogar se pucha)
ma'badolat ko umro ayar + ayar e zaman + baraq na'gahan + shola atishfihan kehte hain (showsha jadoogar k kuch bolne se pehly umro ny apna ta'aruf khud krwaya)
to tum hi ho wo jis ny afrasiyab jadoogar jese ki naak mein dum kr rakha hai (mor jadoogar ny hairat o khushi k mile jhoole tasuraat mein kaha)
ji bilkul sahi pechana main wohi na cheez hun (umro ny fakar se seena chora krte hue bola)
mu'af krna tumhara naam to suna tha par dekha nahi tha is liye pechan nahi paya (mor jadoogar ny umro ka kande py hath rakhte hue kaha)
koi bat nahi mor chacha main aap ko kai bar mil chuka hun tilesum hosharbah mein (umro ny muskurate hue bataya)
acha par main to tum ko aaj pehli bar dekh raha hun (umro ki bat sun k mor jadooger herat se bola)
mor jadooger ye umro ayar hai ye tum se tilesum hosharba mein mila hai to yaqeenan is ny bhes badal rakha hoga aur jab ye bhes badalta hai na to khud is ka baap b isse nahi pehchan sakta kiun umro beta (bhisham dada ny mor jadooger ko herat main dekh k andaza lagaya) bilkul teekh samjhe aap bhisham dada (umro ny bhi bhisham dada ki han mein han milate hue kaha)
phir thori der aur un logo se baten krne aur mor jadooger ko apni aur uski kuch mulakaaton ka batane k badh umro showsha jadooger se mukhaatib hua han to showsha jadooger mera khayal hai k ab mujhe apna kaam shuru kr dena chahye aur usse pehly mujhe ik khali kamra chahye jahan mere aur mere rab k ilawa aur koi na ho (umro ny nihayat sanjeedgi se kaha) bilkul bilkul tumhari har khuwa'ish puri ki jae gi (showsha jadooger ny ik ba tehzib mezban ki tarah kaha )
aur jagmag pari se bola jagmag pari jao umro ko hamare shahi mehman khane tak poncha aao .
Jagmag pari khamoshi utti aur umro ko apne sath aane ka ishara kr k chup chap darbar se bahir nikal gayi aur zahir hai umro ayar bhi us k peechy peechy chal para darbar se nikal kr wo log ik wasih o areez bramde se hote hue wo log ik kamre tak poncha ye kamra bhi kafi bara tha aur saja hua bhi bohat umda tha zameen par nihayat qeemti naram o mulayam kaleen bicha hua tha aur kamre ki chat py nihayat qeemti motion se bana hua ik khubsoorat sa naqash tha jo k pure kamre ko jagmamga raha tha kamre ki andoroni khirkion pay nihayat khubsoorat reshmi parde lagy hue thy jin rangbarngi sitare tanke hue thy jo by had chamak rahe thy kamre mein ik bara sa takhat rakha hua tha jis py phoolon ki chader bichi hui thi jin mein se umda kisam ki khushbow a rahi thi takhat se kuch fasle py ik lakri ki bani hui mez rakhi thi jis pay khubsoorat khubsoorat phool rakhy thy aur sath mein khajoor k patton se bani hui khursiyan bhi rakhi thin jagmag pari bahir se hi lot gayi thi
umro ayar seedha ja k takhat py beht gaya aur apni sulemani zambeel se sunheri nikali
sunri churia jago meri madad kro mere sawalon ka jawab do (umro ny sunheri churiya ko jagaya)
sunheri churiya kia bat hai umro kiun pareshan ho? (sunheri churiya ny umro se ulta sawal kr diya)
mujhe batao sunheri churiya k yahan se bachy kon gayab krwa raha hai (umro ny itmenaan se pucha)
mu'af krna umro main ye raaz nahi janti (sunheri churiya ny sharmindagi se jawab diya)
kiya... tum to jadooi churiya ho tum aur duniyan ki har cheez dekh sakti ho phir ye bat kese nahi janti (umro ny herat se kaha)
umro main duniyan ki har cheez dekh sakti hoon par kuch cheezon pr kuch ese jadooi hisaar lagy hote hain jo main to kia koi bhi jadooi cheez par nahi kr sakti (sunheri churiya ny sir jhukate hue jawab diya)
to phir mujhe apne sawalon k jawab kese milen gy (umro ny mayoos hue kaha)
fiker kiun krte ho umro.. tumhare paas wo sulemani takhti hai na jahan jadooi cheezon ki had khatam ho jati hai wahan se sulemani cheezon ki hadood shuru hoti hain. (sunheri churiya ny muskurate hue goya yaad dilaya)
ary han sulemani takhti k bare mein main to bhool hi gaya tha (umro chonka)
phir umro ny apni sulemami zambil mein se sulemani takhti nikali aur apna sawal dohraya magar kuch is tarah
ayr sulemani takhti mujhe batao k yahan se bachy kon gayab karwa raha hai aur ye kon se jinnat hain jin py jadoogero k jadoo ka koi aser nahi ho raha (umro ny sulemani takhti se pucha)
ye kaam garaj rani ka hai aur wo jinnat bhi ussi garaj rani k banaye hue hain isi liye un jinnaton par kisi aur ka koi jadoo kam nahi karta balky garaj rani ny unhen kuch is tarah banaya hai k agar garaj rani k siwa koi un py jadoo kr k unhen marny ki ya nuqsaan ponchany ki koshish kre ga to wo jin aur bhi ziyada taqatwer ho jaengy (sunheri takhti par alfaz namudar hue)
garaj rani... magar ye garaj rani hai kon aur ye sab kiun kr rahi hai?
(umro ny herat se puchha)
garaj rani ik churel hai jo saambri ki poojaran hai aur wo ab ik hazaar ik so giyaran (1111) jadooger bachon ki bali sambri ko charha k hamesha zinda rehna chahti hai aur is liye us ny na sirf yahan k baly tilesum hosharba, tilesum khon e rawan, tilesumistan k jadoogaron k ilawa aur bohat se chote bare jadoogaron k shaheron se jadooger bachy utwaye hain (sulemani takhti pe phir se alfaz ubhre)
aur ye garaj rani rehti kahan hai (umro ny gazabnaak hote hue puchna)
yahan se char so (400) koss door shumal ki taraf jao gy to ik chota sa pahari ilaka aage ga jahan k pahar tez surkh rang k hain aur aag se bhi ziyada garam hain unhi paharon k bicho bich ik safed pahar hai us pahar main mein hi garaj rani ka mehal hai jo bahir se kisi ghaar ki tarah nazar aata hai (sulemani takhti py phir likha hua aaya)
umro ayar ny sulemani takhti apni zambeel mein rakhi aur mehman khane se nikal kr seedha showsha jadoogar k kamre ki tarf barha kamre mein dakhil hote hi umro ny wahan mojud sab hi logon ko sari bat batai
garaj rani ka nam sunky bhisham dada pareshan ho gaye jo k umro ny bhi dekh liya
kiya baat hai bhisham dada aap kuch pareshan nazar a rahe hain (umro ny bhisham dada ki pareshani ki wajah janne k liye phucha)
han umro bete bat hi kuch esi hai (bhisham dada ny mayosi zahir krte hue kaha)
kia bat hai bhisham dada kuch hamen bhi to pata chale (showsha jadoogar ny bhi sanjeedgi se kaha)
tum log garaj rani k naam se anjan ho (bhisham dada ny ma'iny khaiz andaaz mein bola)
to agar aap jante hain is k bare mein to hamhen bata dein ho sakta hai k is se muqabla krne mein mujhe kuch madad mile (umro ny tafsil se pucha)
ye hamare koh e kaaf ki sab se buhri aur taqatwar churail hai ye rishte mein meri door ki behan bhi lagti hai magar is ki roz roz ki manmani aur badsuluki ki wajah se shah e koh e kaaf ny isse 200 saal pehly koh e kaaf se nikal diya tha magar isse iski taqaten nahi lin thin tab k badh aaj is ka naam suna hai (bhisham dada ny ronhasi awaz mein bataya)
zahir hai jab kisi apne se judai ki bat zuban py aati hai to kisi ka bhi dil bhar aata hai.
acha to ab mujhe ijazat den main apni mohim py jald se jald ponch kr un masoom bachon ki jaan bachana chahta hun jo fil waqt us churail ki qaid mein hain (umro ny joshily lehje mein kaha)
To is naik kaam main hamare dus hazaar (10,000) sipahi bhi tumhare sath jaen gy main abhi foj ko tayyari ka hukum deta hun (showsha jadoogar ny bhi purjosh lehje mein kaha)
nahi uski koi zaroorat nahi showsha jadoogar is jesi churailon k liye to main akela hi kafi hun aur phir Meri madad k liye mera Allah har waqat mere sath mojud hota hai (umro ny befikri se jawab diya) aur Bina kisi k jawab k intezar kiye utt k mehal se bahir nikal gaya bahir a k umro ny sulemani zambeel se sunheri joote nikali aur un ko pehan k garaj rani k rurkh paharo py chalne ka hukum diya umro ny sunheri joote ko jaan bhooj k paharon se zara pehly utarny ka hukum diya tha chuna chy sunheri joote fiza mein buland hue aur shumal ki janin parwaz krne lage sunheri joote bijli ki raftaar se urr rahe thy aur is taraj Chand hi minto mein umro matulba manzil tak yani surkh paharon ki wadi k bahir tak ponch gaya ab umro ny sunheri joote zambeel mein dale aur zambeel se rohgan e ayyari nikal kar apna behs badalne laga phir us ny zambeel se ik nihyat qimti libas nikal k pehna ab wo koi ameer taajir nazar a raha thankus ny zambeel se ik aala nasal ka ghora nikala aur us py sawar ho k paharon ki taraf barhne laga
surkh paharon k darmiyan chalte hue umro ko saaf mehsoos ho raha tha k ye pahar qudrati nahi balky koi jadooi pahar hain kiun k ye pahar pathreely bilkul nahi thy balky moom k bane hue the ye dikhane mein buland o bala pahar thy magar dar haqeekat ye koi mom k pahar thy umro ko in k darmiyan ghumte hue taqreeban aadha din beet chuka tha magar usse kahin wo safed pahar nazar nahi aaya jis mein us garaj rani ka gaar tha aur na hi koi esa nazar aaya k jis se rasta hi phuch sake
umro ny socha k is tarah to koi faida nahi kiun na koi or tareeqa nikala jae garaj rani ko dundny ka chuna chy umro ik pahar py charny laga pahar kiun k moom ka bana hua tha to ghore ko pahar py charny mein koi pareshani nahi hui pahar k uper se umro ny charo taraf ka jayza liya
usse ik safed pahar nazar aaya umro ussi simat chal parha abhi wo kuch hi door gaya tha k ik chote qad k jadoogar ny uska rasta roka kon ho tum ajnabi (chote jadoogar ny garajdaar aawaz mein pucha)
pehly tum batao k tum kon ho kiun k main kisi gareeb jadoogar se bat nahi krta (ajnabi ny bhi ussi andaza mein jawab diya)
main ko aam jadoogar nahi mera nam moom jadoogar hai aur main moom ki nagari ka rakhwala hoon (moom jadoogar ny takaburana andaz mein apna naam bataya)
hmmm ye moom ki nagari hai (ajnabi ny ta'ajub se kaha)
han par tum kon ho aur yahan kiya kr rahe ho (moom jadoogar ny usse ghoorte hue pucha)
main yonaan ka tajir hoon aur mera naam shira tajir hai (ajnabi ny apna ta'aruf krwaya)
yohnan k tajir ho to yahan kiya kr rahe ho (moom jadoogar ny munh bana kr kaha)
ary main tajir hun tijarat ki gharz se yahan wahan mulkon mulkon ghumta phirta hun is bar koh e kaaf jane ka irada kiya tha shayad galati se rasta bhatak k idhar a nikla (tajir ny sanjidgi se jawab diya)
par yahan aane ki tumhari himmat kese hui jante nahi ye garaj rani ki riyasat hai aur uski ijazat k bina yahan koi bhi nahi a sakta (moom jadoogar gurraya)
ary ary bom jadoogar gussa kiun krte ho yar main ny kaha na main rasta bhatak k yahan a gaya tha (shira tajir ny dare hue lehje main kaha)
wo jo bhi ho pehli baat to ye k mera naam bom nahi moom jadoogar hai aur dusri baat ye k ab tum yahan a hi gaye ho to yahan se zinda wapis nahi ja sakte (moom jadoogar garajdaar? awaz main bola)
Ufffff mere khuda ye kesi mushkil hai bhai moom jadoogar mujh ko mar k tum ko kiya mile ga mujhe jane do (shira tajir rohnhasi awaz mein bola)
nahi nahi ab tum yahan se zinda wapis nahi ja sakte shuker manao abi garaj rani yahan nahi hai warna wo tum ko itni bhayanak moat deti k tumhari sath 7 pushten bhi kanp jati main to sirf tumhara sir tumhare badan se alag krun ga hahaha (moom jadoogar hansta hua bola)
acha jab tum ny mujhe marne ka faisla kr hi liya hai to kam se kam meri aakhri khuwaish hi puri kr do (shira tajir ny sir jhuka k kaha)
bolo kiya chahte ho (moom jadoogar ny goya faraq dili se kaha)
ziyada kuch nahi bas marne se pehly ye yohnani barfi khana chahta hun jo main apneth laaya hun (shira tajir ny ik lifafa nikalte hue kaha)
yohnani barfi.... laao pehly main kha'on ga phir tum samjhe.. (moom jadoogar ny barfi ka lifafa tajir se cheente hue kaha)
zahir hai mittai dekh k jadoogar k mun mei pani a gaya tha us ny barfi ka ik bara sa tukra nikal k mun mein dala aur maze le le k chabany laga magar agly hi pal wo behosh ho k gir parha kiun k barfi nasha awar thi aur wo tajir dar asal umro ayar tha,
umro ny jaldi jaldi rogan e ayyari ki madad se khud ko moom jadoogar ka humshakal banaya aur phir moom jadoogar ko apna yani yohnani tajir ka humshakal banaya aur moom jadoogar k hath paon band kr us ki zuban mein ik sui pewast ki ta hosh mein ane k bad wo koi mantar wanter na parh sake phir aapas mein libas tabdeel kr k usse apne ghory py laadh k khud paidal hi garaj rani k safed pahar ki tarf chal parha pahar ziada door na tha wahan ponch kr moom jadoogar ny bohat talash kiya magar usse ander jane ka koi rasta na dikha aakhir wo wahin khara ho gaya abi usse wahan khare hue thori hi deir guzri hogi k achanak badal garajne lage har taraf andhera sa chane laga din mein jese raat ka sama ho gaya moom jadoogar ny aaman ki janib dekha to aasman se bijli si neechy giri wo ikqadam peechy hata bijli seedha uske samne zameen py giri aur dekhte hi dekhte us bijli ny ik bhuri badsoorat churail ki shakal ikhtiar kr li
us churail ki naak 3 ungal lambi thi aankhen bari bari behad khofnaak jin mein se surkh rang k aangare phoot rahe thy hont ese jese kachy ghosht k do mote mote lothre latak rahe hone kaan ghaddhy ki tarah lambe lambe chehra ik to kala uper se us py betahasha jhurriyan parhi hui thin baal Puri safed thy haatho k nakhoon b bohat lambe thy aur kaale b haathon py b chehre ki tarah jhurriyan parhi hui thin wo moom jadoogar ki taraf barai aut garajdaar aawaz mein boli moom jadoogar tum yahan kiya kr rahe ho (churail k lehje mein intehai gussa tha)
mu'afi chahta hun garaj rani magar ye ik shakhs jo bina ijazat aap k ilaqe mein ghuss aaya tha issi ko giftar kr k laya hun (moom jadoogar ny apne aane ka sabab bataya)
is ki itni jurrat kese hui isse foran mere mehal main le aao is ko wahin saza dungi aur esi saza dungi k aa'inda koi bina ijazat yahan se guzarne ki b galati na kre (garaj rani ny gusse se behosh tajir ko ghoorte hue kaha)
phir usny apne da'ain hath ki pheli ungli pahar ki taraf gumai to wahan ik ghaar numa dar ban ban gaya aur ye dono ghaar k ander dakhil ho gaye ander se ye koi aalishan mehal tha magar behad darawna tha jahan har taraf dewqaro py insani danchy latak rahe thy ik taraf ik bara sa haati ka dancha rakha hua tha ik meiz thi jo shayad hadiyon se bani hui thi aur us py ik bohat bari insani khopri rakhi thi jls ka rang kala tha wo log is jagah se guzar kr ik bare kamre mein dakhil ho gaye yahan b dewaro py mukhtlif janwaro ki khopriyan latak rahi thi
choti bari chapttih moti har tarah ki khopriyan aur un k beech beech insani khopriyan bhi thin garaj rani ik siah rang k takhat py ja k beht gayi jo galiban hati ki hadion se bana hua tha
lao dikhao to kon hai ye aadam zad jis ki itni himmat hui (garaj rani ny takaburana andaz main kaha)
moom jadooger ny apne khandhe se us behosh shakhs ko utara aur garaj rani k samne zameen par patak diya ussi pal garaj rani ny ik manter parh k uss ajnabi py phoonk mari to usse ik dum hosh a gaya wo herangi se apne charo tarf dekhne laga
kon hai tu aur is tarf aane ki teri himmat kese hui? jante nahi ye meri saltanat hai..
(garaj rani ny usse hosh mein late hi kai sawal kr diye)
jawab mein us shakhs ny apni zuban bahir nikali jis mein sui pewast thi
ye uski zuban mein sui kesi ? (garaj rani ny herat se pucha)
ye main ny dali hai garaj rani kiun k ye khud ko bohat hoshiyar samjhta hai aur mujhe apni mein uljah k farar hony ki koshish kr raha tha aur to aur is ny baton baton mein mujhe dhoky se ye yohnani barfi bhi khilana chahi magar main samjh gaya k ho na ho is barfi mein zehar mila hoga jabi main ny ye barfi nahi khai balky apne jadoo se isse behosh kr diya aur is k hath paon bandny k sath is ki zuban mein bhi sui laga k isse yahan le aaya ta l hosh mein a k ye koi chalaki krne ki koshish na kr sake (moom jadooger ny tafseel batai)
hmmm sui nikal do hum bhi to dekhen ye kitna hoshiyar hai (garaj rani ny guya hukum diya)
aur moom jadooger ny aage barh k ajnabi ki zuban se sui nikal di
sui nikalte hi uss ajnabi ny khud par ik manter parh k phoonka aur sath hi us k jisam se lipti hui sari rassiyan gayab ho gayin aur wo garaj rani k samne khara ho gaya
kiya tum koi jadooger ho? (garaj rani ny herat se sawal kiya)
garaj rani mein hun aap ka wafadaar moom jadooger (ajnabi tajir ny teiz lejhe mein kaha)
jhoot mat bolo agar tum garaj jadooger ho to ye kon hai (garaj rani moom jadooger ki tarf ishara krti hui chillai)
ye.. ye wo yohnani fakir hai jis ny mujhe wo nasha awar barfi khilai thi (ajnabi tajir bola)
dekha garaj rani ye kitna bara jhoota hai jo khud ko moom jadooger sabit kr k tumhare gusse se bachna chahta hai (moom jadooger ny jaldi se bola)
nahi ye jhoota hai garaj rani is ny mera roop liya hua hai ye tum ko behka raha hai garaj rani (ajnabi tajir ny bhi teoz lehje mein kaha)
chup kro tum dono main abhi esa jadoo krti hun k sab ka asli roop samny a jae ga (garaj rani ny chilate hue kaha) aur ye keh kr us ny aankhen band kr k ik manter parha aur chath ki tarf phonk mari agle hi lamhe wo ajnabi tajir moom jadooger mein basal gaya jab k moom jadooger ab gayab ho chuka tha kiun k wo moom jadooger nahi balky umro ayar tha aur jab garaj rani manter parh rahi thi tabhi us ny sulemani chadar nikal k aurh li thi aur issi liye ab wo garaj rani to kiya siwae allah k kisi ko nazar nahi a sakta tha
ary to tum ho moom jadooger magar ye naqli moom jadooger kahan gaya (garaj rani ny herat se kabhi moom jadooger to kabi idhar udher dekhte hue kaha)
pata nahi abi to yahin tha (moom jadooger ny bhi udher udher dekhte hue kaha)
lagta hai bhag gaya jao usse pakar k lao abi ziada door nahi gaya hoga (garaj rani gurrai)
main bhagne walon mein se nahi bhagane walon main se hun (kamre mein ik roab daar awaz gunji)
kon ho tum (garaj rani ny bokla k charo tarf dekhte hue pucha)
tumhari moat naam hai umro ayar (umro ki awaz phir gunji)
kon umro ayar wohi to nahi jo jadoogaron ka jani dushman hai (garaj rani ny phir pucha)
sahi pehchan par main jadoogaron ka hi nahi zalimoon ka bhi dushman hun (umro ny hanste hue jawab diya)
to tum yahan kiya kar rahe ho jao kisi jadooger ko maro mujhe marna tumhare bas ki baat nahi hai (garaj rani ny goya taznzia lehje mein kaha)
wo to waqat hi batae ga lekin agar tum un masoom bachon ko mere hawale kr do jin ko tum ny bali charhane k liye agwa kiya hai to main tumhari jan bakhsh sakta hun (umro ny tijarati andaz main apna faisla sunaya)
nahi main un ko tumhare hawale kabi nahi karun gi agar tum un ko churwana chahte ho to mere samne a k mera muqalba krna hoga (garaj rani ny umro ko lalkarte hue kaha)
teekh hai tum khud hi marna chahti ho to main kiya kar sakta hun (umro ny tanzia lehje mein kaha) aur apni sulemani chadar utaar k zahir ho gaya umro k zahir hote hi garaj rani ny umro py ik zabardast manter phonka magar koi faida na hua kiun k umro is hamle k liye tayyar tha wo foran ik taraf ho gaya aur jadooi shuwaon sy saaf bach nikla
garaj rani ny phir ik manter parh k umro ki tarf phonk mari magar umro is bar b saaf bach nikla ab garaj rani ko bohat gussa a gaya aur us ny apne takhat se ik bari si haddi nikali aur us py koi manter parh k use umro ki janib uchal diya aur wo haddi ka tukra ik bijli ka roop le k umro ki janib barha magar yahan b mad e muqabil umro ayar tha wo foran apni jaga se uchal k chand qadam door ja khara ho gaya aur wo bijli ka shola seedha moom jadooger ko ja laga kiun k moom jadooger umro k bilkul peechy khara tha aur umro k hatny se wo shola moom jadooger ko ja laga aur moom jadooger usi waqat jal k rakh ho gaya ye dekh k garaj rani gussy se pagal ho gayi aur us ny ik aur haddi py kuch parh k umro ki tarf pehnka magar is bar bhi usse mun ki khani parhi aur umro saf bach nikla
tumhara tamasha khatam ho gaya ho to zara mera waar bhi dekh lo (umro dhahra) aur umro ny sulemani zambil se ik choti si sunheri zanjeer nikal k garaj rani ki tarf uchal di kiun k umro ka nishana pakka tha to wo zanjeer seedhi garaj rani k gale mein ja giri aur dekhte hi dekhte garaj rani ik aa'hini zanjeer mein qaid nazar aany lagi garaj rani ny jab khud ko is tarah qaid dekha to kudh py ik manter parh k phoonka aur wo zanjeer gayab ho gayi
Tum ny mujhe py hamla kar k acha nahi kiya umro ab main tumhen esi saza dungi k aainda kisi aadamzaad ki kisi churel se ulajne ki himmat na ho gi ye keh k us ny apne sir ka taj jo k nokile taron se bana hua tha umro ki taraf uchal diya jis mein se tez pani nikal raha tha
umro ny is bar kudh hatny k bajae apni zambil ka mun us k samne khol diya aur taj zambil k ander sama gaya ab umro ny zambil se sulemani chatri nikali aur usse garaj rani ki taraf kr k khol diya foran hi garaj rani us chatri k nichy a k ulti latakne lagi garaj rani ny bohat koshish ki khud ko us chatri se azad krwane ki jitny manter usse yaad thy sab parh dale magar sab beasar sabit hue kiun k ab wo sulemani chatri ky nichy latak rahi thi to us ka koi jadoo kam nahi kr raha tha
ab batao k wo bachy kahan hain (umro ny garaj rani se pucha)
nahin baton gi kabi nahi bataon gi chahy tum mujhe mar hi dalo kabi nahi bataon gi (garaj rani ny dant peesty hue kaha)
mar to main tum ko sakta hi hun lekin agar tum un bachon ko mere hawale kar do to ho sakta hai main tumhari jan bakhsh dun (umro ny muskurate hue kaha)
Hargiz nahi (garaj rani gurai)
hmmm rasi jal gai bal nahi gaye (umro ny tanz kiya) aur sath hi apni kamar py laga khanjer nikal k garaj rani k dain bazoo py ik zarb lagai
ab batati ho ya issi tarah tarpa tarpa k maron tumhen (umro ny gussy se usse gurty hue kaha)
aaaaaa batati hun batati hun wo uss samne wale kamre k nichy bane hue tehkhane mein hain (garaj rani dard se karate hue boli)
aur uss kamre ka rasta kahan se hai (umro ny same dewaar ko dekhte hue pucha)
wo us sandooq k peechy se hai (garaj rani ny bataya)
umro ny chatri se latki garaj rani k mun py koi sefoof chirka jis se wo behosh ho gayi aur phir us ko nikal k us ko zambil mein dala
aur khud us sandooq ki taraf barha jis ki taraf garaj rani ny ishara kiya tha umro ny jese hi wo sandooq khola us k ander seeriyan nazar aain jo nichy ki taraf ja rahi thin aur nichy kuch nazar nahi a raha tha umro ny ba'tor ahtiyat apni sulemani chadar nikal k urrh li phir seeriyan utarne laga seeriyan kari lambi na thin jald hi umro tehkhany main ponch gaya yahan har taraf andhera hi andhera tha umro ny sulemani zambil mein se ik jaldi hui mashal nikali aur us ki roshni mein aage barhne laga chand qadam chalne k badh umro ko ik darwaza nazar aaya jis py khopri ka nishan bana hua tha umro ny wo darwaza kholne ki koshish ki magar wo na khula galeban wo kisi jadooi manter se band tha umro ny socha ye esy nahi khule ga to usne sulemani zambil se sulemani anguti nikal k pehan li aur us anguti py jare hue bare se hire ko darwaze se takaraya anguti k lagte hi darwaze ka sara jadoo khatam ho gaya aur darwaza khulta chala gaya andher bohat se bachy behosh parhe tha kuch bachy zor zor se ro bhi rahe the kiun k abi tak umro ny sulemani chadar nahi utari thi to usse koi nahi dekh saka lekin hawa mein mollaq mashal ko dekh k bachy aur bhi dar gaye aur pehly se bhi ziyada zor zor se rony lage
are are bacho daro nahi main tum logo ko bachane aaya hun (tehkany mein awaz aai)
kon ho tum samne kiun nahi aate (ik bachy ny himmat kr k pucha)
mera naam umro ayar hai mujhe showsha jadooger ny tum logo ko bachany k liye behja hai (umro ny chadar utarte hue jawab diya)
kiya tumhen sach mein abba jan ny behja hai (ik bachy ny bharai hui awaz mein kaha) wo moma jadooger tha showsha jadooger ka beta
han aur nahi to kiya main yahan jhak marne aaya hun (umro ny mun banate hue kaha)
bachy kiun k no soo (900) se ziyada thy to un ko ik satha yahan se lejana asan kaam nahi tha magar yahan bhi umro tha us ny pehly to sab bachon ko mittai khilai jis se bachy behosh ho gaye phir sab behosh bachon ko apni sulemani zambil mein dala aur phir us tehkhane se nikal k gaar ki talashi lene laga gaar k ik kamre mein usse sony chandi se bhare hue chaar (4) sandooq mile umro ny wo charon sandooq chand lamhon mein hi khali kar diye aur sara sona chandi bhi apni sulemani zambil mein bhar liya phir bhi us ki zambil khali hi nazar a rahi thi phir wo gaar se bahir aaya bahir a k us ny sulemani zambil se sunheri joote nikal pehne aur unhen showsha jadooger k mehal chalne ka hukum umro ka hukum milte hi joote fiza mein buland hue aur showsha jadooger k mehal ki taraf baraq raftar se urny lagy is tarah kuch hi deir mein umro telisum nagri ponch gaya
showsha jadooger ka mehal tha mehal ponch k umro ny sunheri joote utare aur apni sulemani zambil mein wapis rakh liye phir mehal k ander dakhil ho gaya ander sab log yani showsha jadooger, bhisham dada, more jadooger aur jagmag pari mohjood thy umro ny ander jate hi sab ko salam kiya
walekum salam umro tum akele hi a gaye bachy kahan hain (showsha jadooger ny umro ko akela dekh k herat se kaha)
sab bachy mere sath aaye hain magar main un sab ko un k ghar nahi poncha sakta wo kaam aap logo ny hi karna hoga (umro ny sanjeedgi se jawab diya)
han han hum un sab ko un k ghar zaroor behjengy magar wo hain kahan (showsha jadooger ny umro charon taraf dekhte hue kaha)
umro ny apni sulemani zambil se sare bachon ko bari bari bahir nikala wo sab abi bhi behosh thy phir umro ny behoshi zaya krne wala goobara phora to sab ko hosh a gaya showsha jadooger apny bete moma jadooger ko dekh k usse lipat gaya mor jadooger rangin jadooger se chimat gaya jab sab bachy hosh mein a gaye to jo tilesum nagri k rehne wale thy wo to is jaga ko pehchante thy wo khush ho gaye k ab wo azad hain magar baqi bachy abi bhi khud ko kisi anjan jaga paa kr dar rahe thy
daro nahi bachon ab tum log bilkul mehfooz ho (umro ny bachon ko tasalli di)
aur phir showsha jadooger ny apny jadoogaron ko bula k un ko un k bachon se milwaya aur sab ko hukum diya k wo baqi bachon ko bhi jald se jald un k ghar ponchayn aur phir umro bhi apny ghar chala gaya
......The End....
No comments:
Post a Comment